كبر الـ G وروق الـ D !!

Admin عدد المساهمات : 13 تاريخ التسجيل : 04/09/2011

السلام عليكم ورحمة الله وبركاته

صباحو ابيض ياشباب

كل سنه وانتم طيبين ورمضان كريم علينا جميعاً وربنا يصبرنا في الحر دا بقي ونقدر نقاوم

المهم بقي النهارده انا جايبلكم موضوع رخم كده قبل رمضان يعني زي ماتقولوا كده هاتستريحوا مني طول شهر رمضان فالازم بقي اسيبلكم ذكرى رخمه كده لحد مالشهر يخلص عشان انا ناوي اعتزل الرخامه والمواضيع الهابطه دي في رمضان

نبطل رغي بقي وندخل في الموضوع

الموضوع اللي هاكتب عنه النهارده هو عن ( الطناش ) او ممكن بمعنى تانى ( البرود ) وممكن نقول كده ( فكك ياعم )
شويه كلام حلو كده بنقولوا كتير لحد ماتعودنا عليه وبقي اساسي في حياتنا الطناش والتنفيض والبرود وبقى اسهل كلمه على لسانا .. فكك
* طيب ايه اللي وصلنا لكده ؟؟
* طيب هو صحيح في اوقات لازم الواحد يطنش فيها وينفض للمواضيع ؟؟
* طيب امتى الوقت دا اللي ننفض فيه للحوار وياترى أي وقت نقضيها تنفيض وطناش ولا ايه بالظبط ؟؟
* طيب هو احنا ليه اصلا بتنفض ياترى خوف من مواجهه مشاكلنا ولا اتعودنا على كده ولا احنا مش عارفين حاجه علشان كده بنفض ؟؟
* طيب لو بيهمنى كلام الناس تفتكر لما انفض واكبر دماغى الناس هاتقول عليا ايه . ( واد رايق ) ولا هايقولوا ( غير جدير بتحمل المسئوليه ) ؟؟
* طيب هو انا ليه اصلا يهمنى اللى الناس تقولوا عنى مانا الاحسن لى أنى اعمل الصح حتي لو مش هايرضي الناس ؟؟
* طيب هو انا لما انفض كتير للمواضيع تفتكر هايجي عليا وقت يبقى عندي برود اعصاب لدرجه ( اللامبالاه ) بجميع امور الحياه ؟؟

اسئلة كتير اوى وكلام كتير فى الموضوع دا اللى بقي عاده يومياً فى حياتنا أي موقف نتعرضله مانعرفش نتصرف فيه نقول ( فكك ياعم )

أكيد كل واحد فينا ليه وجهه نظر ورأيه فى الموضوع دا
أتمنى المشاركة والتفاعل عشان نعرف إحنا ليه وصلنا لمرحلة إننا لما تقابلنا مشكلة نقول ( كبر الـg وروق الـd )