Best friends

ادب, حوارات ونقاشات, العاب وتسلية, فرفشه, أسلاميات, أغانى, افلام عربى, افلام أجنبى, برامج حاسب آلى, برامج محمول, ثيمات محمول, نغمات, تسلية ورفاهية
 
الرئيسيةبحـثالتسجيلدخول

شاطر | 
 

 ( سعيد * سعد * مسعدة )

اذهب الى الأسفل 
كاتب الموضوعرسالة
Admin
Admin


عدد المساهمات : 13
تاريخ التسجيل : 04/09/2011

مُساهمةموضوع: ( سعيد * سعد * مسعدة )    الإثنين سبتمبر 05, 2011 11:06 pm

السلام عليكووووووو احلى شباب


وحشتونى كيك والنهارده حابب اتكلم معاكم في موضوع كده بس يارب ماحد يتخنق مني بقي ههههههههههههههه


الموضوع ببساطه عن الاشتغالات .......!


طبعا دلوقتي احنا في زمن الاشتغالات ومابقاش حد يقدر يعيش من غير مايشتغل حد ولو مالاقاش حد يشتغله يشتغل نفسه


بس في ناس بقي بتبقي متكيفه اوي وهي بتشتغل ناس تانيه يااما صحابهم يااما اهاليهم المهم انهم يشتغلو اي حد وخلاص


والنهارده بقي جايبلكم نموذج كده عن الاشتغالات عباره عن تلات اشخاص اسمهم ( سعد - سعيد - مسعده )


سعد = الاب ** سعيد = الابن ** مسعده = المزه بتاعت الابن


اعرفكم بقى بالشخصيات الجميله دي


( سعد ) راجل في منتهي الروقان كل يوم يروح البيت وش الفجر مراته تسأله كنت فين يقولها شغل وهو في الحقيقه بيشتغلها او بيشتغل نفسه ماتعرفش بالظبط بس الحقيقه انه طول الليل بيتسرمح مع الحريم ويعرف بت اسمها حسنيه قرنى كل يوم عالساعه 12 بالليل بياخدها ويروح السنيما ويتفرج على فيلم رعب ويعمل نفسه احمد السقا بقي وقلبه عليها وياخدها ويسحبها على التوك توك بتاعه ويوصلها دا غير انه كل يوم مع صحابه وبيقعدو على قهوة عماره اللي في سوق الخضار بيحششو مع بعض وانا عارف دماغ امه السافله دي بس ان الله حليم ستار


( سعيد ) عيل ابن ستين في سبعين يستاهل ضرب البلغه كل يوم يخرج من صباحيه ربنا مايرجعش الا نص الليل ابوه يساله كنت فين يابن الصرمه يقوله كنت في الجامعه وعندي محضرات والاسطوانه المشروخه اللي الابهات حفظوها وماباقتش تاكل معاهم ( وعلى فكره ابن الصرمه دا بقي هو السبب الرئيسي ان ابويا لما بقوله اني رايح ام المعهد يفكرني اني بشتغله انا نفسي اقتل ابن البلغه سعيد دا ) وبعدين بقي في الاصل سعيد دا لا بيروح جامعه ولا زفت ومقضيها طول اليوم خروجات مع بنات وصحابه الصيع وبيشربو حشيش بيجيبوه من عند على بصله اللي بيقف عالناصيه تحت باب بيتهم وبيبعله قرش الحشيش ب110 تلاتات وسعيد بيمصلح على صحابه ويقولهم انه جايبه ب130


( مسعده ) زينة بنات الحته مدوخه نص الشباب وراها انوثه جباره وقمه الجمال بسم الله ماشاء الله من ساعت ماخرجت من السجن في خناقتها مع الوله حمو بتاع البليله لما اديته قطع في وشه بالمطوه وهي زي مايكون كده اسم الله عليها احلوت وادورت وبقت مزه مزه يعني ومن باب العلم بالشئ ولا الجهل بيه الواد سعيد ابن سعد بيحبها وهي مطلعه عين ام اللي خلفوه كل يوم والتاني تخرج من الساعه 3 العصر لحد الساعه 10 بالليل مع شباب ومفهمه سعيد انها بتزور اختها محاسن في ابو زعبل وسعيد عشان بيحبها وطبعا عارفين ان مرايه الحب عاميه بياكل كلامها ويحبس بعديه بسجاره ووخداه على عماه


<><><><><><><><><><><><><><><><>


طبعا باين من الشخصيات دي انهم كلهم بيشتغلو نفسهم ومفكرين انهم ناصحين مايعرفوش ان الانسان يبقي في منتهي الغباء لما يعتقد ان اللي قدامه غبي


ونسيو ان الذكاء انك تقدر ذكاء خصمك مش تجهل ذكائه وتفكيره


منتهي الغباء ان انسان يكدب لدرجه انه يصدق كدبه ومن الغباء بردو ان تفتكر ان كدبك متقن وان اللي بتكدب عليه مصدقك


( كلنا ممكن نتعرف لموقف يجبرنا اننا نكدب او نشتغل حد بس الافضل بدل مانقع في موقف يجبرنا اننا نعمل حاجه ماينفعش نعملها افضلنا نبقي اقوي بصراحتنا ووضوحنا مع غيرنا ) !!

كفايا كده النهارده ولينا عووووووووووووده
الرجوع الى أعلى الصفحة اذهب الى الأسفل
http://owners.hooxs.com
اميره الغرام



عدد المساهمات : 145
تاريخ التسجيل : 05/09/2011

مُساهمةموضوع: رد: ( سعيد * سعد * مسعدة )    الثلاثاء سبتمبر 06, 2011 3:40 am

ماشاء الله موضوع جميل اوى ياا حمد ايه الجمال ديه تسلم ايدك يا ابو حميد[center]
الرجوع الى أعلى الصفحة اذهب الى الأسفل
 
( سعيد * سعد * مسعدة )
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
Best friends  :: الفئة الأولى :: المنتدى الأول-
انتقل الى: