Best friends

ادب, حوارات ونقاشات, العاب وتسلية, فرفشه, أسلاميات, أغانى, افلام عربى, افلام أجنبى, برامج حاسب آلى, برامج محمول, ثيمات محمول, نغمات, تسلية ورفاهية
 
الرئيسيةبحـثالتسجيلدخول

شاطر | 
 

 آخر صيحات الموضة

اذهب الى الأسفل 
كاتب الموضوعرسالة
Admin
Admin


عدد المساهمات : 13
تاريخ التسجيل : 04/09/2011

مُساهمةموضوع: آخر صيحات الموضة    الإثنين سبتمبر 05, 2011 11:03 pm

السلام عليكمممممممممممم ياشباب

ازيكووووووووو

في موضوع كده فـ دماغى أحب اتكلم فيه معاكم

الموضوع عن ( الموضه ) !!

حاجات كتير بنعملها في حياتنا مالهاش اي معنى ولا نعرف بنعملها ليه وايه سببها !!

شكلنا مابقاش شكلنا .. ولبسنا مابقاش لبسنا .. حتي كلامنا مابقاش كلامنا !!

تلاقي الشاب من دول بيدور على اي شخصيه حقيره كده مشهوره ويعمل زيها اللي تلاقيها عامل شعره ( ستشوار ) زي براد بيت واللي عامل حواجبه ( كاريه ) زي توم كروز لا والانقح بقي تلاقي راجل ملو هدومه كده وصابغ شعر صدره (( وكله آخر صيحات الموضه ))

حتي كلامنا .. دلوقتي تلاقي ناس كتير اوي عالصبحيه كده لسه صاحي من نومه ويقابل ابوه في يقوله ( استمورننج ياحج ) يعني صباح الخير بالروشنه !!
وتلاقي واحد تاني رايح يقابل واحد صاحبه يقوله ( هاي ) ويرغي معاه شويه وبعدين يفارقه ( ببيباي ) !
والراجل عندنا بقي ( مان ) وأخواتنا البنات بقوا ( مزز ) ولا أكننا قرود !!

حتى طريقة لبسنا .. البنطلون بقى ( تحت ) والقميص ( فوق ) ومعري نص ضهرك
وزراير القميص مفتوحه لحد الحزام . والجزمه وزنها 5 كيلو ومن غير شراب
وساعات بنخرج ( بشبشب الحمام ) ونصلى الجمعه ( بالبرموده ) ونقول دي (( آخر صيحات الموضه )) !!

حاجات كتير بنعملها وخدناها من الغرب ومابنفكرش في اي حاجه بنعملها وخلاص سواء صح او غلط
مابنفكرش شكلنا بيبقي عامل ازاي لما يبقى راجل ملو هدومه ( مسقط بنطلونه ) او لابس ( بادي ) ومعلق في رقابته ( سلسله ) وفي ايده اللمين ( حظاظه ) والشمال ( ساعه حائط ) !!

مابنفكرش غير في حاجه واحد ان الناس تقول اننا ماشيين عالموضه وشباب روشه حتى دا لو كان على حساب منظرنا اللي بقي شبه القرود والارجوزات !!

الغرب اللي احنا بناخد منهم التقاليع دي كلها دلوقتي بينافسوا بعض مين يكتشف كوكب ومجموعه شمسيه جديده واللي بينافسوا بعض في الصناعه والأقتصاد
واحنا ماخدناش منهم غير التفاهات والحاجات اللي ملهاش قيمه بس !!

وبقى أكبر اهتمامتنا ( البوم حماقى هاينزل امتى ؟ - هيفاء وهبى هاتسيب رجب امتى ؟ - مين هاياخد الدورى الاهلى ولا الزمالك )
وبقينا نستني بوستر فيلم تامر حسني عشان نشترى التي شيرت اللي هو لابسه ونقص حواجبنا على موضة تامر حسنى
دماغنا بقت متكربسه بحاجات ملهاش اي قيمه !!


<><><><><><><><>

بسم الله الرحمن الرحيم
(( لقد كان لكم فى رسول الله أسوة حسنة لمن كان يرجو الله واليوم الآخر وذكر الله كثيرا ))
صدق الله العظيم
الرجوع الى أعلى الصفحة اذهب الى الأسفل
http://owners.hooxs.com
اميره الغرام



عدد المساهمات : 145
تاريخ التسجيل : 05/09/2011

مُساهمةموضوع: رد: آخر صيحات الموضة    الثلاثاء سبتمبر 06, 2011 4:01 am

الله عليك يا احمد ايه الجمال والعقل ديهبجد لو احنا فكرنى ازى نخترع اى شى مفيد هيكون احسن من الكلام الفاضى ديه
الرجوع الى أعلى الصفحة اذهب الى الأسفل
 
آخر صيحات الموضة
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
Best friends  :: الفئة الأولى :: المنتدى الأول-
انتقل الى: