Best friends
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

Best friends

ادب, حوارات ونقاشات, العاب وتسلية, فرفشه, أسلاميات, أغانى, افلام عربى, افلام أجنبى, برامج حاسب آلى, برامج محمول, ثيمات محمول, نغمات, تسلية ورفاهية
 
الرئيسيةأحدث الصورالتسجيلدخول

 

 فى مصر فقط !!

اذهب الى الأسفل 
2 مشترك
كاتب الموضوعرسالة
Admin
Admin



عدد المساهمات : 13
تاريخ التسجيل : 04/09/2011

فى مصر فقط !! Empty
مُساهمةموضوع: فى مصر فقط !!   فى مصر فقط !! Emptyالإثنين سبتمبر 05, 2011 11:02 pm

فى مصر فقط

بسم الله الرحمن الرحيم

ازيكوو ياشباب في موضوع كده شوفته وعجبني اوي حبيت انقله بس عدلت فيه شويه بصراحه من الاخر اسمي سرقته عشان نبقي معترفين ومثبتين التهمه على نفسنا

المهم الموضوع دا عن حاجات موجوده في مصر ومش هاتشوفها في أي بلد تانيه

تعالوا كده واحده واحده نشوف ايه الحاجات اللى مش موجوده غير في مصر دي

<>
<>
<>
<>

1- فى مصر فقط .. تلاقى عيل فرفور اقل منك في المستوي العلمى وجايب في الثانويه العامه 50% وبيتنطط عليك وعاللي خلفوك عشان هو بسلامته داخل بمجموعه دا كله الشرطه .. اللي في خدمة قفــا الشعب
2- فى مصر فقط .. تجد حيوان ( السلعوة ) اللي بالصلى عالنبي مش موجود في بلد تانيه غير مصر والحيوان دا ناتج عن تزاوج كلاب الشوارع الضاله اللي بردو مش موجوده غير في مصر
3- في مصر فقط .. تجد انواع اكلات غريبه ماتلاقهاش في أي بلد تانيه زي الحواوشي والشكشوكه والكشك الاسيوطى والملوخيه بالارانب والمسقعه والكشري ومحشي الكرنب وطاجن العكاوي والكبده الاسكندرانى وطبعا قبل دا كله طبق الفووووووووووول اللي مش سودانى
4- في مصر فقط .. تلاقي الكلاب بتعبر الطريق بطريقه آدميه الكلب من دول قبل مايعدي يبص يمينه وشماله ويستني لو في عربيه معديه عشان يعدي في آمان . تعالي بقي للبني آدمين في مصر سبحان الله والله بتمني انهم يعبروا الطريق زي الكلاب لكن ازاي دول مصريين ياعم الحج تلاقي الراجل من دول وهو بيعبر الطريق في صلاح سالم ولا شارع الهرم ولا أي طريقه في ام المحروصه ولا اللي اكنه ماشي في اوضة نومه بسم الله ماشاء الله عليه تحس ان بطه بلدي معديه الطريق
5- في مصر فقط .. بقي ماقولكش على لياقه ومهاره المصريين في الجري والشعبطه في الاتوبيسات يالهووووووووي اوعي ولا تقولي امريكان ولا روس ياعم الحج لا واللي يغيظك ويفرسك بقي ان بعد الجري والشحططه دي ورا الاتوبيسات تلاقي صوت مستفز يندهلك يقولك ( اطلع من عالباب ياافندي العربيه فاضيه ) مفيهاش غير نص مليون شخص بس راكبين على بعض انما لو مليانه بقي تلاقي ال80 مليون مصري في عربيه واحده
6- في مصر فقط .. اسرع دوله في العالم بتقام فيها صداقات سواء في اشارات المرور او المصالح الحكوميه او الاسانسير دا حتي طوابير العيش ياراجل
7- في مصر فقط .. تلاقي منطقه سكانيه بأكملها ( سارقه كهربا ) زي عزبه الهجانه كده .. حته تعداد سكانى بقي
8- في مصر فقط .. تجد ملك من ملوك الفراعنه يبني لنفسه تمثالاً ضخم لا تشرق الشمس على وجهه الا مرتين في السنه مره يوم توليه الحكم ومره يوم ميلاده ... صبح صبح ياعم الحج عليا النعمه احنا مصريين
9- في مصر فقط .. تلاقي الوزراء في مصر مابيتغيروش لا وبيتبادلوا الوزارات يعني اللي كان وزير الاعلام امبارح بكره يبقي وزير البترول واللي كان وزير البترول يبقي عضو مجلس شعب واللي كان عضو مجلس شعب يخله امين عام الحزب الوطنى ... طبعا كل الكلام دا قبل الثوره دلوقتي مفيش غير المشير طنطاوي هو اللي واكل التورته كلها
10- في مصر فقط .. ينادي وزير التعليم بإلغاء مجانيه التعليم .. بزمتك شوفت كده في بلد تانيه
11- في مصر فقط .. يتم انفاق ملايين من الجنيهات في العمل على تنظيم كأس العالم والنتيجه نحصل على ( صفر ) طيب صرفنا ام الفلوس دي كلها ليه كنا خايفين ناخد الدرجه بالسالب يعني
12- في مصر فقط .. ادفع وبعدين اشتكى
13- فى مصر فقط .. الاقتراحات السياسيه المتاحه للمواطنين هي .. ( نعم ) أو ( لا ) فقط واللي عند امك اعمله ماعندناش غير كده
14- في مصر فقط .. تم القضاء نهائياً على ظاهره ( ادمان الهروين ) بعد أن اصبح البانجو والحشيش في متناول الجميع ولم يعد لكوكو الضعيف ( السجاير المصري المنتنه دي ) الشعبيه السابقه بين الناس
15- في مصر فقط .. لا يتم وضع الاعلانات الا تحت لافته ( ممنوع لصق الإعلانات ) رخامه مابعدها رخامه
16- في مصر فقط .. لا يمتلك المواطنين زياً رسمياً ويصعب أن تعرف المصري من مجرد ملابسه ( الا لو كان لابس تيشيرت مكتوب عليه باللون الاخضر الحزب الوطنى فكر جديد )

وبعد كل اللي اتقال دا .. يبقى أنت أكيد فى مصر :d
الرجوع الى أعلى الصفحة اذهب الى الأسفل
https://owners.hooxs.com
اميره الغرام




عدد المساهمات : 145
تاريخ التسجيل : 05/09/2011

فى مصر فقط !! Empty
مُساهمةموضوع: رد: فى مصر فقط !!   فى مصر فقط !! Emptyالثلاثاء سبتمبر 06, 2011 12:07 pm

ااحمد ليه كدة بننشر الغسيل ال مش كويس ليةبس بجد الموضوع جميل ويستهل المناقشةههههههههههههههههههههههههه وتسلم ايدك يا ابو حميدعلى الموضوع الجامد طحن
الرجوع الى أعلى الصفحة اذهب الى الأسفل
 
فى مصر فقط !!
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
Best friends  :: الفئة الأولى :: المنتدى الأول-
انتقل الى: